السالكة عمار اوبلا جبدات للتجار الجشعين ودنيهم

admin
اخبار الداخلة
admin30 أكتوبر 2023آخر تحديث : الإثنين 30 أكتوبر 2023 - 8:25 مساءً
السالكة عمار اوبلا جبدات للتجار الجشعين ودنيهم

الداخلة7

واش فعلمكم بأن هاد العضوة ديال غرفة التجارة والصناعة والخدمات بجهة الداخلة سميتها السالكة عماراوبلا اللي معروفة بصباح جبدات واحد الموضوع كلشي كيعاني منو وساكت.

هاد السيدة هي المقررة ديال الجمعية العامة ديال الغرفة بقات ساكتة تالاخير وهي تثير موضوع غلاء الاسعار بالداخلة والزيادة اللي ماعندها تامعنى وزادت واحد القضية أخرى ولات معروفة بيها الداخلة هي بيع امول الميني مارشي ويا مول المحال باش مابغيتي ولا من يدري.

atlas sahra

ومن بعد ماتكلمت على الارتفاع الصارخي ديال المواد الغذائية واللحوم والخضر وكلشي دارت مثال وقع ليها من بعد مجات تشري قرعة ديال الماء لقاتها عند محل ب5 دراهم ولاخور حداه ب6 دراهم وبقات كتسائل واش هاد النوع من التجار كيعيشو معانا.

وطالبات السلطات المختصة دير خدمتها وتوقف على شغلالتها وتضرب بيد من حديد هاد التجار اللي عزيز عليهم الهمزة واستغلال المواطن وعندهم الجشع والزيادة انجاز وحاسين بالفراغ من جهة المراقبة.

وانتوما واش كتحسو بالغلاء فالداخلة؟
والى كان شي وآحد كيزيد بلاقياس طاگيه فالصفحة وحنا غادي نتكلفو

اتصل بنا